ولأجل روح خالد سعيد
حداد
غمض عنيك يا بوليس .. شعر/ سمير الأمير
غمض عنيك يا بوليس
واقفل ودانك شويه
دى بلادنا حتروح فطيس
من غير نفس حرية
****
غمض عنيك ع الناس
فتّحها ع الحراميه
وامسك ميزان حساس
بالعدل والوطنيه
***
بيساوى كام الضمير؟
عليك يارب العوض
ده الوضع اصبح خطير
بعد البوليس ما قبض!!
****
غمض عنيك يا بوليس
عايزين نشوف سكتنا
تعبنا م التحسيس
والضلمه خنقتنا
**
كفاياك بقى تهويش
اقفل ودانك وسيبنا
مدام خدمنا الجيش
طب ليه تعذبنا؟
**
مش متنا فى النكسه
وعبرنا فى التحرير
وما نابنا غير وكسه
م الفقر والتكدير؟
***
غمض عنيك بقى عيب
ده احنا بقينا عرايا
وزهقنا م التعذيب
والمحكمه والقضايا
***
ده ما عادش نافع زوق
ولا انت فاهم كلام
بكره يا ظالم تدوق
مُر البكا والآلام
***
وساعتها فتح عنيك
واصرخ وقول ده حرام
ومين حيسأل فيك
وانت ف قفص الاتهام؟!
كتب / ياسر حسن
خطاب صغير وقع في يد أحد مسئولي العلاقات العامة بمديرية أمن الإسكندرية و كشف عن خطاب خاص يستعد به مأمور قسم سيدي جابر عصام على جاد الله إرساله إلى المستشار عبد المجيد محمود ،يشرح موقف القسم من الأحداث الأخيرة والتي أودت بحياة الشاب خالد سعيد الشاب الذي قتله اثنان من المخبرين السريين بمعاونة أحمد عثمان الضابط بالقسم.
وأوضح الشخص الذي عثر على الورقة أن يهيب بالمستشار عبد المجيد انه على استعداد مثول المخبر عوض وزميله والضابط احمد عثمان إلى محاكمة عاجلة إذا ما ثبت شروعهم في القتل ،وأشار في الخطاب أيضاً انه بلا شك لا يصدق شهادة المخبرين اللذان اعتدوا على خالد في انه ابتلع اللفافة من المخدر قبل الوفاة للهروب من السجن، وقال مأمور القسم سيدي جابر لابد من العدالة أن تأخذ مجراها الطبيعي ولابد من محاكمة المخبرين المتورطين في هذه القضية الشائكة.